امریکا‌نینگ آتلانتا شهریده، اۉزبېک و تورکمن اولکه‌داشلر، تیل و مدنیت‌سیور کیشیلر، عیاللر و باله‌لرنینگ کېنگ اشتراکی بیلن طنطنه‌لی بیر احتفال آرقه‌لی، اۉزبېک تیلی ملی کونیدن نشانلنگن.
اوشبو احتفالده صحبت قیلگنلر، مدنیت، آنه تیلی قدر-قیمتی، اۉرنی و بو تیل‌نینگ کیله‌سی نسللرگه یېتکزیلیشی اهمیتی‌گه تاکیدله‌گنلر.
اۉزبېک تیلی ملی کونی مناسبتی‌گه اۉتکزیلگن بو احتفالده، شعر و ترانه‌لر اۉقیلیب و احتفال دایره‌سیده اۉزبېک خلقی فرهنگی و عنعنه‌لری‌‌نینگ کورسه‌تووچی کۉرگزمه هم بۉلیب اۉتگن.
شونینگدېک، مذکور احتفالده قابلی‌پلو، آی‌خانم، کولمه، قورداغ، پتیر و منتو شامل تورلی‌خیل اۉزبېک خلقی‌گه تیگیشلی طعاملر کۉرگزمه گه قۉییلگن.
شونده‌ی بیرحالده، شرکت قیلگنلر بو کبی احتفاللر اۉتکزیلیشی‌نینگ اولکه‌داشلرینی کوریش، اۉزبېک تیلی‌نینگ کیله‌سی نسللرگه یېتکزیلیشی و اۉزبېک خلقی فرهنگی‌نینگ باشقه‌لرگه تانیشتیریلیشی توغریسیده یخشی بیر امکانیت دېب و بو تور تدبیرلر دوامی‌گه تاکیدله‌گنلر.
