اوزدیلی خبریگه کۉره، «بایسون دۉپیسی» جیوگرافیک کۉرستکیچ صفتیده رویخطدن اۉتکزیلدی. سرخان دریا ولایتی نینگ بایسون تومنیده قدیمدن تیارلب کېلینهیاتگن دوملاق شکلدهگی ملی باش کییم عنعنهوی “پیلتهتیکیش” کشتهچیلیک اصولیده بجریلگن بېزهکلری بیلن اجریلیب تورهدی.
محصولات نینگ اۉزیگه خاص خصوصیتلری اونده قۉللنیلگن کشتهچیلیک اصولی، جیومتریک بېزهکلر، یارقین توسلر اویغونلیگی اینیقسه تیارلش نینگ عنعنهوی اصوللری بیلن باغلیق. بایسون دۉپیسینی بېزهشده “چیلخال”، “چیان گل”، “قۉچقارشاخ”، “ارچه ” و “کۉزهچه” بېزهکلری فایدهلهنیلهدی.
جیوگرافیک کۉرستکیچ صفتیده دولت رویخطیدن اۉتکزیلیش «بایسون دۉپیسی» آتینی اینیقسه اونینگ بایسون تومنی حدودی بیلن باغلیق خصوصیتلرینی حقوقی قۉریشنی تامینلهیدی.
رویخطدن اۉتکزیش، شونینگدېک، محصولات نینگ عنعنهوی خصوصیتلری و اونی تیارلش اصوللرینی سقلب قالیشگه قرهتیلگن بۉلیب، بایسون هنرمندلری محصولاتلرینی ایچکی و خلقارا بازارلرده ایلگری سوریش اوچون حقوقی اساس یرهتهدی.
جیوگرافیک کۉرستکیچ اینتلکتول یا فکری ملک موضوعی حسابلنهدی و تاور صفتی، آبروسی یاکه خصوصیتلری نینگ معین جیوگرافیک حدود بیلن باغلیقلیگینی تصدیقلهیدی.
