پولیو گه قرشی اېملش کمپاینی بوگون (۲-نوامبر، دوشنبه)، مملکت‌نینگ برچه ولایتلریده باشلندی.
طالبان ساغلیقنی سقلش وزیرلیگی سۉزلاوچیسی شرافت زمان امرخیل‌نینگ ایتیشیچه، مذکور کمپاین تۉرت کون دوام قیلیب و بو جریانده، بیش یاش‌نی تولدیرمه‌گن ۱۲.۸ میلیون باله‌نینگ پولیو گه قرشی اېملنیشی ممکن.
امرخیل‌نینگ کوپه‌یتیریشیچه، پولیو گه قرشی اېملش کمپاینی مملکت جنوبی‌ده اېرته ۳ نوامبردن ۶ نوامبر و لوگر ولایتی‌ده اېسه ۹ دن ۱۳ نوامبرگچه یۉلگه قوییله‌دی.
ایتیلیشچه، مذکور کمپاین جراینده پولیو گه قرشی اېملش یانده مملکت‌نینگ بیر قطار زونلریده روده قورتلری دوالنیشی و آلدی آلینیشی مقصد باله‌لرگه «آلبندازول» تابلیتلری هم بیریله‌دی.
طالبان ساغلیقنی سقلش وزیرلیگی سۉزلاوچیسی، مملکت بۉیلب مذکور ویروس ترقه‌لیشی آلدی آلینیش اوچون قوم بویوکلری، دین عالملری و آق سقاللردن واکسیناسیونلر بیلن همکارلیک قیلیشلرینی سۉره‌گن.
