طالبان مالیه وزیرلیگی نینگ اعلام قیلیشیچه، خوست ولایتیده‌گی چیگره باجخانه‌سیدن پارتلش ماده‌لری کشف اېتیلگن.
بو وزیرلیک ژورنالیست‌لرگه بېرگن معلوماتیده ادعا قیلیشیچه، اوشبو پارتلش ماده‌لری سوداگرلیک یوک‌لر ایچیده جایله‌شتیریلیب، افغانستان‌گه اۉتکزیلماقده اېکن.
طالبان بو پارتلش ماده‌لری قوشنی مملکت‌دن آلیب کېلینگنینی بیلدیرگن. بیراق انیق بیران مملکت‌دن آت توتگن اېمس. دیمک خوست ولایتی پاکستان بیلن چیگره‌داش دیر.
طالبان مالیه وزیرلیگی معلوماتی‌گه کۉره، مذکور پارتلش ماده‌لری ۲۷۰ کیلوگرام باروت و ۳۶ قطی پتاقی‌دن عبارت دیر.
طالبان بو واقعه‌ده باغلیق بیر قنچه کیشی اوشلنیب، بو حاکمیت خوفسیزلیک کوچلری‌گه تاپشیریلگنینی هم بیلدیرگن.
