جرمنی نینگ هامبورگ شهریده اۉتکزیلگن بیر ییغین‌ده، بو مملکتده یشاوچی افغانستان‌لیک اۉزبېک و تورکمن خلق‌لری نینگ آق‌سقاللری کېنگشی ایجاد اېتیلیب، بو کېنگش اعضالری سیله‌نگن.
مذکور کېنگش تامانیدن اۉزبېک تی‌وی اختیاریده قوییلگن معلومات اساسیده، اوشبو کېنگش اعضالری، دادمحمد یمرالی، صالح محمد صادقی، سیدعارف کریمی سادات، حمیدالله مخدوم، زین الدین قاریزاده، حمیدالله قاریزاده، فدامحمد نظر، سیدظریف سادات، ذبیح الله کارگر، عبدالرسول گونش و ذبیح الله سادات‌دن عبارت دیر.
دېیرلی بو کېنگش، جرمنی‌ده یشاوچی خلق‌میز آره‌سیده بیرلیک یره‌تیش همده اۉزبېک و تورکمن‌لرنینگ یخشی و یامان کونلریده، خذمت ترقه‌تیش مقصدیده ایجاد اېتیلگنی معلوم قیلینگن.
ایتیش کېره‌ک که جرمنی اینقسه بو مملکت نینگ هامبورگ شهریده یشاوچی اۉزبېکلر، بوندن ایلگری هم بیرلیک همده مدنیت‌میزنی رواجلنتیریش مقصدیده ایریم احتفاللر یۉلگه قویگن.
