بالهلرنی قۉتقریش تشکیلاتینینگ ایتیشیچه، بدرغهلیک، بالهلرنینگ آزیق-آوقتدن فایدهلنیش امکانیتینی چېکلهب، اولرنینگ ساغلیق و تعلیم جریانیگه سلبی اثر قۉیگن.
مذکور تشکیلاتنینگ بوگون (۲۷-عقرب، چهارشنبه)، یېتی ولایتده ۸۰۰ باله و اولرنینگ سرپرستلری بیلن اۉتکزیلگن صحبتلر اساسیده تیارلنگن گزارشده ایتیشیچه، سۉنگی ییللرده بدرغهلیک، بالهلر آرهسیده آچلیک کۉپهیشیگه سبب بۉلیب و اولرنی کۉپینچه خوفلر بیلن روپهره قیلگن.
گزارشگه کۉره، بالهلردن ۵۵ فایزی ییرلشیشدن کېین، آزراق آوقتگه اېگه دیر؛ ۴۱ فایز، ساغلیق وضعیتلری یامانلهشیب و شونینگدېک بالهلر سرپرستلریدن ۳۳ فایزی اېسه، بالهلرنینگ تعلیمدن فایدهلنیش امکانیتی کمهیگنینی بیان قیلگن.
گزارشنینگ بیر بۉلیمیده کېلیشیچه، ۱۰ بالهدن بیر باله یاردم قۉلگه کېلتیریب و باشقه ۱۰ بالهدن ۹ تهسینینگ ایتیشیچه، آزیق-آوقتگه قۉل تاپیش اوچون قۉللب-قوتلنیشگه محتاجلر.
شوندهی بیرحالده، سۉنگی اوچ ییلده قۉشنی مملکتلردن آلتی میلیوندن آرتیق کیشی افغانستان گه قیتیب و شونینگدېک میلیونلب کیشی مملکت اېچیده طبیعی واقعهلر، قوروقچیلیک و باشقه چېگره توقنشوولری طفیلی بدرغه بۉلگنلر.
گزارشده بالهلردن ۴۹ فایزی، عایلهلری ایش تاپه آلمسلیک یا-ده یېترلی درآمدگه اېگه بۉلمسلیک سبب، ییرلشیشگه مجبور بۉلگنلرینی اېتگن؛ شوندهی بیرحالده، اولردن اوچدن بیری آزیق-آوقت آزلیگینی ییرلشیش سببی عنوان قیلگن.
شونینگدېک هر تۉرت بالهدن بیرتهسی اېسه، عایلهسینینگ باشقه مملکتدن چېقریب یوباریلیشی یا-ده ترک اېتیشگه مجبور قیلینیش سبب، تېریکچیلیک قیلهدیگنلری جاینینگ اۉزگرتیرگنلرینی اېتگن.
تېکشیریلگن هر بیر ۱۰ بالهدن قریب ۷ تهسی، اۉتگن اوچ ییلده ایکّی یا-ده اوچ انقراض جملهدن سوو تاشقین، قۉروقچیلیک، زلزله و توقنشوونی تجربه قیلگن.



