طالبان تشقی ایشلر وزیرلیگی بوگون چهارشنبه ۳۱ – ثور، نشر قیلگن بیاناتیده اعلام قیلیشیچه، بو وزیرلیک سرپرستی امیرخان متقی چین تشقی ایشلر وزیری وانگیی بیلن اوچره‌شگن.
اوچره‌شووده ایکی تامانلمه مناسبت‌لر خصوصیده فکر المشتیریلیب، طالبان تشقی ایشلر وزیری، چین افغانستان اوچون مهم اقتصادی شریک دېب اعلام قیلگن.
شونینگدېک طالبان چین‌دن افغانستان بیلن سوداگرلیک ساحه‌سیده همکارلیکلرینی آشیریش‌نی سوره‌گن.
طالبان تشقی ایشلر وزیرلیگی نینگ سرپرستی، افغانستان توپراق‌دن هیچ بیر مملکت‌گه قرشی ایش آلینمه‌یدی دېب چین تشقی ایشلر وزیری‌گه ایشانچ بېرگن. دیمک طالبان حاکمیتی دوریده، مملکتلر بو حقده خواطر بیلدیریب کېلماقده دیر.
عینی حالده، طالبان نینگ ادعا قیلیشیچه چین تشقی ایشلر وزیری بو مملکت نینگ افغانستان‌دن بۉلگن سیاسی و اقتصادی حمایه‌لری دوام اېتیشیدن خبر بېرگن.
