طالبان نینگ فاریاب ولایتیده‌گی خوفسیزلیک قومندان‌لیگی بیر بیانات نشر قیلیب، بوندن کېین بو ولایتده طالبان حربی کوچلری رسمی یونیفورم‌دن فایده‌لنیش‌لری جبری اېتیلگنیدن خبر بېردی.
فاریاب ولایت خوفسیزلیک قومندان‌لیگی نینگ ایتیشیچه، بو قرار طالبان رهبری و ایچکی ایشلر وزیرلیگی بویروغی اساسیده آلینگن.
طالبان بو بویروغ اساسیده، فاریاب ولایتیده‌گی بوتون چک‌پاینت‌لر و گزمه‌لرده، حربی‌لر رسمی یونیفورم‌ده بۉلیش‌لری شرط‌لیگینی معلوم قیلدی.
ایتیش کېره‌ک که بوندن ایلگری، طالبان حربی‌لری رسمی یونیفورم‌ده بۉلمه‌گی بیر قنچه ترتیب‌سیزلیکلرگه سبب بۉلگنی بیلدیریب کېلماقده اېدی.
طالبان بوندن ایلگری هم بیر نیچه مراتبه اوشبو یونیفورم‌لردن فایده‌لنیش شرط‌لیگینی اعلام قیلگن اېدی. بیراق یقین تۉرت ییل دوامی‌ده طالبان حربی‌لری بو حقده اونچه‌لیک اعتبار قره‌تگن اېمس.
