بلخ ولایت مرکزی مزارشریف شهریده، طالبان تامانیدن «وای‌فای انترنت» کېسیب قۉییلیشی خصوصیده‌گی قرار، بو حاکمیت محلی رسمی‌لری تامانیدن تصدیق‌لندی.
بلخ ولایتیده طالبان حاکمی‌نینگ مطبوعات کاتبی حاجی زید اۉزی‌نینگ ایکس صحیفه‌سیده یازگن بیاناتیده، بو مساله‌نی تصدیقلدی.
بلخ ولایت حاکمی مطبوعات کاتبی‌نینگ اعلام قیلیشیچه، طالبان رهبری بویروغی اساسیده، بو ولایتده «فایبر نوری» کیبلی‌دن انترنت آلیش، بوتونله‌ی تقیق‌لنیب قۉییلگن.
دېیرلی طالبان بو قرارنی منکرات آلدینی آلیش مقصدیده قۉلگه آلگنینی معلوم قیلدی.
ایتیش کېره‌ک که اۉتگن کون بلخ ولایتیدن محلی منبع‌لر، بو ولایت مرکزی مزارشریف شهریده وای‌فای انترنت طالبان تامانیدن کېسیب قۉییلگنینی اعلام قیلگن اېدی.
