هندوستان تشقی ایشلر وزیرلیگی‌نینگ سۉزلاوچیسی رندیر جیسوال، ژورنالیست‌لرگه بېرگن بیاناتیده طالبان تشقی ایشلر وزیری امیرخان متقی‌نینگ بو مملکت‌گه سفر قیلیشینی تصدیق‌لگن.
دیمک بوندن ایلگری بیرلشکن ملتلر تشکیلاتی خوفسیزلیک کېنگشی، طالبان تشقی ایشلر وزیری‌گه هندوستان‌گه سفر قیلیش اوچون وقتینچه‌لیک رخصت بېرگن اېدی.
امیرخان متقی بو سفری شوندی بیرحالده دیر که سونگی وقتلرده، هندوستان و طالبان مناسبت‌لری یخشی‌لنیشی مقصدیده اینتیلیش‌لر باشلنگن.
اوشبو اینتیلیش‌لر دایره‌سیده، بو تۉرت ییل دوامی‌ده طالبان ییریک دیپلوماتیک هیاتی‌نینگ هندوستان‌گه بۉلگن ایلک سفری دیر.
طالبان بو هیاتی شوندی بیرحالده هندوستان‌گه باریش‌نی ریجه‌لشتیرماقده دیر که سونگی وقتلرده، طالبان‌نینگ هندوستان رقیبی بۉلمیش پاکستان بیلن مناسبت‌لری یامانلشگن.
