طالبان باش محکمه‌سی بوگون چهارشنبه ۱۶ – میزان نشر قیلگن، ایکی علیحده بیاناتیده کاپیسا و خوست ولایتلریده بیر قنچه کیشی‌لر تورلی عیبلاولر سبب عامه حضوریده دره اوریلگنیدن خبر بېردی.
طالبان باش محکمه‌سی تامانیدن نشر اېتیلگن بیانات‌گه کۉره، بو حاکمیت محلی رسمی‌لری ایکی عیال شامل بیش کیشی‌نی کاپیسا ولایتیده جزاله‌گن.
دیمک کاپیسا ولایتیده بو شخص‌لر، ناقانونی علاقه و لواطت عیبلاوی بیلن عامه حضوریده جزالنگن.
شونینگدېک طالبان خوست ولایتیده هم اوچ کیشی‌نی اوغری‌لیک و اخلاقی فساد عیبلاوی بیلن عامه حضوریده دره اورگن.
ایتیش کېره‌ک که طالبان تامانیدن متهم‌لر بوندی جزالنیشی، بیر قنچه تنقیدلرنی هم اۉرته‌گه آلیب کېلگن. طالبان اېسه بو قرارلری شریعت اساسیده بجریله‌یاتکنینی بیلدیریب هیچ قچان متهم‌لرنی عامه حضوریده جزالش‌نی تۉخته‌تمسلیگینی معلوم قیلدی.
