پاکستان جمهور باشلیغی آصفعلی زرداری، افغانستان خصوصیده بۉلگن ینگی بیاناتیده، طالبان حاکمیتیده بۉلگن بو مملکتده دوام اېتیب تورگن وضعیتدن جدی خواطر بیلدیرگن.
زرداری اۉز بیاناتیده، افغانستانده ترورچی گروهلر فعال حضوری بارلیگی و بو گروهلرنینگ تهدیدیدن خواطر بیلدیرگن.
پاکستان جمهور باشلیغینینگ ادعا قیلیشیچه، شو وضعیت باعث طالبان حاکمیتیده بۉلگن افغانستان حاضر، ۱۱ – سپتمبر واقعهسی یوز بېرگن زماندن کۉره یامانراق احوالگه توشیب قالگن.
پاکستانلیک بو ییریک مقامنینگ آگاهلنتیریشیچه، افغانستانده فعال بۉلگن ترورچی گروهلر منطقه و دنیا تینچلیگی اوچون کتته خوف-خطر یرهتگن.
دیمک بوندن ایلگری هم، پاکستان حکومتینینگ یوقاری مرتبهلی رسمیلری افغانستانده ترورچی گروهلر بارلیگیدن خواطر بیلدیریب، بو خصوصده چاره-تدبیر کۉریلیشینی معلوم قیلگن اېدی.
پاکستان رسمیلری ادعا قیلیشیچه، بو مملکتدهگی ناتینچیلیکلر، افغانستاندن ریجهلشتیریلیب، بو ناتینچلیکلرگه سبب بۉلگن پاکستان طالبان تحریکی کبی گروهلر افغانستانده حضوری بار دیر.
طالبان اېسه پاکستاننینگ بو ادعالرینی رد اېتیب کېلماقده دیر.
طالبان و پاکستان اۉرتهسیدهگی اوشبو تارتیشوولر، یقینده پاکستان پایتختی اسلام شهریدهگی شیعهلرگه تېگیشلی مسجدلردن بیریده اویوشتیریلگن قانلی هجومدن کېین ینهده جدیلشگن. اوشبو هجومدن کېین، پاکستان مدافعه و ایچکی ایشلر وزیرلری علیحده چیقیش قیلیب، بو هجوم آرتیده طالبان بارلیگینی اعلام قیلدی. طالبان اېسه بونی قبول قیلگن اېمس.
