ناروی پولیسی بوگون تانگده (یکشنبه، ۱۷- حوت) اسلو شهریده جایلشگن امریکا اېلچیخانهسینینگ قنسوللیک بۉلیمی کیریش قِسمیده پارتلش صادر بۉلگنینی اعلان قیلدی.
رویترز خبریگه کۉره، پولیس بو پارتلش کیچیک ضرر کېلتیرگنینی، اما قربانلر یۉقلیگینی ایتگن.
حاضرچه پارتلشنینگ توری و اونی صادر اېتگن شخص نامعلوم. پولیس تېرگاو باشلهگنینی بیلدیرگن.
گواهلرنینگ رویترزگه ایتیشیچه، پارتلشدن سۉنگ اېلچیخانه حدودیدن آسمان تامان قویوق توتون کۉتریلگن.
رویترزنینگ یازیشیچه، امریکا تشقی ایشلر وزیرلیگی ایضاح سۉراویگه درحال جواب بېرمهگن.
حاضرچه بو پارتلش امریکا و اسرایلنینگ ایران بیلن اوروشی بیلن باغلیق یاکه یۉقلیگی انیق اېمس.
