بیرلشگن ملتلر تشکیلاتینینگ خوفسیزلیک کېنگشی افغانستان حقیده بیر ییغین اۉتکزیب، مملکتده دوام اېتیب تورگن وضعیتنی تیکشیرهدی.
بیرلشگن ملتلر تشکیلاتینینگ افغانستاندهگی نمایندهلیگی یا ده یوناما تامانیدن نشر اېتیلگن معلوماتگه کۉره، اوشبو ییغین دوشنبه کونی، کابل وقتی بیلن کیچه ساعت ۱۱:۳۰ دقیقه باشلنیشی ریجهلشتیریلگن.
ییغینده بیرلشگن ملتلر تشکیلاتی نمایندهلیگینینگ سرپرستی جورجت گانیون آرقهلی بیر حسابات هم ترقهتیلیشی ریجهلشتیریلگن.
دیمک اوشبو حسابات افغانستانده دوام اېتیب تورگن وضعیت خصوصیده قرهتیلگن دیر.
ایتیش کېرهک که بیرلشگن ملتلر تشکیلاتی بوندن ایلگری هم کۉپلب ییغینلر آرقهلی افغانستان وضعیتنی تیکشیرگن. بیراق حاضرگچه بو ییغینلر افغانستان اوچون ایجابی بیران اوزگریش اۉرتهگه کېلیشیگه یاردم بېرگن اېمس.
