چین تشقی ایشلر وزیرلیگینینگ سۉزلاوچیسی، امریکانینگ ایران بندرلریده دېنگیز قمهلی بۉییچه حرکتلرینی خواطرلی و مسئولیتسیز دېدی.
گوئو جیاکون، بوگون (سه شنبه، 25 حمل) امریکانینگ ایران بندرلریده دېنگیز قمهلی خصوصیده ایتیشیچه: «بو قیلمیش یلغوز قرمه – قرشی لیکلرنی شدتلنتیریب قۉیمهی؛ بلکیم آتیش کېسیننی کوچسیزلنتیریب و هرمز بوغازیدن باریش – کېلیشنی کۉپراق خوفلی قیلیشی ممکن.»
اۉتکن ییل 9 حوتده امریکا و اسرائیلنینگ ایرانگه قرشی قۉشمه هجوملریدن سۉنگ، ایران هرمز بۉغازینی یاپیب و بو یۉل آرقهلی کېمهلر اۉتیشینی بېکار قیلگن اېدی.
ایراننینگ بو قیلمیشیگه قرشی امریکا حربی کوچلری دوشنبه کونی 24 حمل، توشدن سۉنگ ایران کېمهلری و دېنگیز قمهلینی باشلهدی.
عین حالده، وال استریت ژورنال کوندهلیگی، سعودی عربستان هرمز بۉغازی قمهلیگه سۉن بېریب و ایران و امریکا اۉرتهسیده مذاکره باشلهنیشی اوچون سعی و حرکت قیله یاتگنینی گزارش بېرگن.
