ایران تشقی ایشلر وزیری عباس عراقچی پاکستانگه تشریفی چاغیده او مملکت اردو کوچلری باشلیغی عاصم منیر بیلن اوچرهشیب، ملاقات قیلگن.
ایران تشقی ایشلر وزیرلیگی بوگون شنبه، ۵ ثور بیر بیانات نشر قیلیب، اوشبو اوچرهشوونی تصدیقلهدی، بیراق اونینگ تفصیلاتلرینی آچیقلهمهدی.
عراقچی تیناوون کېچقورون بیر هیات باشچیلیگیده پاکستان پایتختی اسلام آبادگه بارگن اېدی.
ایران تشقی ایشلر وزیرلیگی معلوماتیگه کۉره، او پاکستان رسميلری بیلن امریکا و اسرایلگه قرشی «مجبوري اوروش»نی توگهتیش همده منطقهده تینچلیک اۉرنهتیش بۉییچه واسطهچیلیک حرکتلری یوزهسیدن مذاکرهلر آلیب بارهدی.
وزیرلیک اوشبو سفر دوامیده امریکا بیلن اوچرهشوو احتمالینی هم رد اېتیب، «ایران و امریکا اۉرتهسیده هېچ قندهی اوچرهشوو رېجهلشتیریلمهگن»لیگینی تأکیدلهدی.
عراقچی سفر دستوریگه کۉره، عمان و روسيهگه هم باریب، او یېرده هم منطقوي اوروش و سۉنگگی اۉزگریشلر بۉییچه مذاکرهلر اۉتکزیشی کوتیلماقده.
