رویترزنینگ خبر بېریشیچه، سعودی عربستان یقین شرقدهگی اوروش دوامیده رسمي اعلان قیلمسدن ایران حدودیگه هجوم قیلگن.
رویترزنینگ سهشنبه کونی (22 ثور) نشر اېتیلگن گزارشده ایتیلیشیچه، بو هجوملر مارچ آیینینگ آخرلریده عملگه آشیریلگن.
شونینگدیک مذکور خبرگزارلیک ایکّی غرب رسميسی همده ایکّی سعودي عربستان و ایران رسميسیگه تهیهنیب یازیشیچه، سعودي حربي-هوا کوچلری ایلک بار ایران حدودیده هجوم عملیاتلرینی اۉتکزگن.
منبعلرگه کۉره، هجوملرنینگ انیق نشانلری آچیقلنمهگن، بیراق «رياض منطقهدهگی اساسي رقیبیگه قرشی اۉزینی حمایه قیلیشده ینه-ده ددیلراق بۉلدی» دېب بهالنگن.
غرب رسميلریدن بیری بو هجوملر «سعودي نشانگه آلینگن وقتدهگی جواب ضربهلری» بۉلگنینی ایتگن.
بیراق سعودي عربستانی و ایران تشقی ایشلر وزیرلیکلری بو معلوماتلرگه رسمي ایضاح بېرمهگن.
فارس کۉرفزی اطرافیدهگی عرب دولتلری اۉز مدافعهسیده امریکا قۉشمه ایالتلریگه تهیهنیب کېلهدی.
بیرلشگن عرب امیرلیگی، قطر، کویت و بحرین هم اۉزلرینی ایران هجوملریگه اوچرهگن دېب اعلان قیلگن، اَیریم حاللرده راکت و درونلر امریکا مدافعه تیزیمینی یاریب اۉتیب، حربي، فقرالیک و اقتصادي مقصدلرگه ضرر یېتکزگن.
اوشبو دولتلر ایران «تجاوزیگه» جواب بېریش حقوقینی اۉزیده سقلب قالگنینی بیلدیرگن، بیراق هېچ بیری رسمي روشده ایران بیلن اوروشگه کیرگنینی اعلان قیلمهگن.
شونینگدېک، « والاستریت ژورنال» تیناوون اۉز نشریده، بیرلشگن عرب امیرلیگی اپریل آیی باشلریده، امریکا تامانیدن اعلان قیلینگن اۉت آچیشنی تۉختهتیش دوریده، رسماً مسوولیتنی ذمّهسیگه آلمسدن لاوان آرالیدهگی نفت فابریکهسیگه یشیرین هجوم قیلگنینی بیلدیرگن.
منو
