روسیهنینگ اسپوتنیک یېتکیرمهسی بوگون شنبه ۱۶ – می بو مملکت جمهور باشلیغی ولادیمیر پوتین رسمی سفر بیلن چینگه تشریف بویوریشیدن خبر بېردی.
بو حقده نشر اېتیلگن خبرگه کۉره، ایکّی کونلی اوشبو تشریف می آیی نینگ ۱۹ – و ۲۰- کونلری بۉلیب اۉتهدی.
اوشبو سفر دوامیده روسیه جمهور باشلیغی، چین دولت رهبری شی جینپینگ بیلن اوچرهشیشی هم ریجهلشتیریلگن.
اسپوتنیک اخبارات آژانسی، اوچرهشوو دایرهسیده روسیه و چین مناسبتی و دنیاده دوام اېتیب تورگن وضعیت محاکمه اېتیلیشی و یوقاری درجهده بۉلگن قۉشمه بیر بیانات امضالنیشینی هم معلوم قیلدی.
شونینگدېک، بو تشریف دوامیده روسیه و چین اۉرتهسیدهگی مناسبتلرنی مستحکملش مقصدیده بیر قنچه کېلیشوو امضالنیشی هم نظرده توتیلگن.
مذکور سفر روسیهنینگ اساسی رقیبی بۉلمیش امریکا قۉشمه ایالتلری جمهور باشلیغی دونالد ترامپ هم چینگه سفر قیلیب، بو مملکت جمهور باشلیغی بیلن اوچرهشیب تورلی موضوعلر بۉییچه بحث آلیب بارگنیدن کېیین اویوشتیریلماقده.
