طالبلر کانلر و پترولیم وزیرلیگی بوگون یکشنبه ۲۷ – ثور، ژورنالیستلر بیلن شریک قیلگن معلوماتیگه کۉره، اۉزبېکستان و چین تدبیرکارلری افغانستان کانلریگه سرمایه کېریتیشگه قیزیقیش کۉرسهتگن.
اۉزبېکستانلیک و چینلیک بو تدبیرکارلر، طالبان کانلر و پترولیم وزیرلیگی اۉرین باسری، حسامالدین صابری بیلن اۉتکزگن اوچرهشوویده، بو خصوصده قیزیقیش بیلدیرگن.
طالبانگه کۉره، مذکور تدبیرکارلر افغانستاننینگ تېمیر و تېمیر بۉلمهگن کانلری اوستیده سرمایه کېریتیشگه تیارگرلیکلرینی بیلدیرگن.
بو سرمایه کېریتیش خصوصیده آرتیقچه تفصیلات بېریلمهگن.
شو بیلن بیرگه، طالبان کانلر و پترولیم وزیرلیگینینگ ادعا قیلیشیچه، اۉزبېکستان و چین اوشبو تدبیرکارلری افغانستانگه سرمایه کېریتیش اوچون شرایط موجودلیگیدن هم قدردانلیک بیلدیرگن.
بو شوندهی بیرحالده دیر که طالبان افغانستان حاکمیتنی قۉلگه آلگنیدن بېری مملکت تورلی حدودلریدهگی کانلرنی کېنگ کۉلمده قازیب چیقریشگه باشلهگن و بو اېسه طالبان همده بو گروه بیلن کېلیشیلگن حالده چین کمپنیلری کانلرنی تالان-تاراج قیلهیاتگنی حقیده خواطرلرنی هم اۉرتهگه آلیب کېلگن.
