افغانستان تورلی حدودلریده ناتنیچلیکلر و اۉغیرلیکلر کۉپهییب بارهیاتگنیدن دوامیده، فاریاب ولایتیده بیر کیشی طالبان تامانیدن اۉغیرلیکده عیبلنیب حبسگه آلینگن.
بو حقده نشر اېتیلگن معلوماتگه کۉره، مذکور شخص فاریاب ولایتی پشتونکوت اولسواللیگیده بیر باش سیگیر/اینکنی اۉغیرلشده عیبلنیب، طالبان کوچلری تامانیدن توتقینگه آلینگن.
بو شوندهی بیرحالده دیر که اۉتگن کونی طالبان، میمنه شهریده قوراللی اۉغریلر و بو گروه جنگچیلری اۉرتهسیده یوز بېرگن تۉقنهشووده طالبان بیر اعضاسی جان بېرگنینی اعلام قیلگن اېدی.
شونینگدېک، افغانستاننینگ جنوبی حدودیده جایلشگن هلمند ولایتیده هم طالبان و قوراللی اۉغریلر تۉقنهشوویده اوچ کیشی جان بېریب و ینه ایکّی کیشی یرهلنگن اېدی.
بو شوندهی بیرحالده دیر که افغانستان تورلی حدودلریده اۉغیرلیک واقعهلری خواطرلی درجهده کۉپهیگن و بیر قنچه واقعهلرده طالبان اعضالرینی قۉلی بارلیگی هم ادعا قیلینهدی.
