طالبلرنینگ هلمند ولایتیدهگی امنیه قوماندانلیگینینگ معلوماتیگه کۉره، مذکور ولایت خانشین اولسواللیگیده پاررتلهمهگن اۉق دارو پارتلشی عاقبتیده ایکّی باله جان بېرگن، اولرنینگ آنهسی اېسه آغیر جراحت آلگن.
قوماندانلیک بیاناتیده ایتیلیشیچه، واقعه بوگون (چهارشنبه، ۳۰-ثور) ساعت۹:۰۰اطرافیده خانشین اولسواللیگینینگ «سبزقلعه» قیشلاغیده صادر بۉلگن.
طالبان معلوماتیگه کۉره، پارتلش اوی ایچیده پارتلهمهگن اۉق آلاوگه تشلش نتیجهسیده یوز بېرگن بۉلیب، بو عایلهگه کتّه تلفات یېتکزگن.
اۉلگن بالهلر۳ و۱۰ یاشده بۉلگن، جراحت آلگن آنه اېسه دوالنیش اوچون شفاخانهگه یوباریلگن.
افغانستانده پارتلهمهگن اۉق-داریلر و ماین پارتلشلری اوزاق ییللیک اوروش عاقبتیده تېز-تېز فقرالر، اینیقسه بالهلر حیاتیگه خوف توغدیرماقده.
بیرلشگن ملتلر تشکیلاتی معلوماتیگه کۉره، مملکتده تخمیناً۳.۳ میلیون کیشی ماین و پارتلاوچی مادّهلرگه یقین حدودلرده یشهیدی، بو اېسه اولرنی دایمي خوف آستیده قالدیرهدی.
