طالبلرنینگ کابلده امنیه قومندانلیگی بیر گزارش آرقهلی، سابق حکومت جنراللریدن بیری کابل شهری اۉن یېتّینچی ناحیهسیده ایکّی یاش عیالنی قتلیگه قۉلی بۉلگنلیککه عیبلهنیب حبسگه آلینگنینی معلوم قیلدی.
کابل امنیه قومندانلیگی سۉزلاوچیسی خالد زدراننینگ ایتیشیچه، مدافعه وزیرلیگینینگ سابق اۉرین باسری و سابق جنراللردن بۉلگن «شعورگل پشتون» بو ایکّی عیالنی اۉلدیرگنینی اعتراف قیلگن.
شعور گل پشتون، ایکّی عیالنی جسدی تاپیلگنیدن بیر کون کېین حبسگه آلینگن اېدی و اونینگ قضیهسی تېکشیروودن سۉنگ قانونی مرجعلرگه یوباریلگن.
بو قتل قندهی عملگه آشیریلگنی خصوصیده حاضرگچه انیق معلومات ترقهتیلمهگن و امنیتی رسمیلر هم بو خصوصده یېترلی معلومات بېرمهگن.
۱۹ و ۳۵ یاشلرده بۉلگن بو ایکّی عیالنینگ جسدی اۉتکن هفته پنجشنبه کونی کابل شهری اۉن یېتّینچی ناحیهسیگه تېگیشلی «مارشال فهیم» یۉلیدهگی تاغ اېتیگیدن تاپیلگن اېدی.
