پاکستان اوردوسینینگ باشلیغی عاصم منیرنینگ ایراندهگی رسمی تشریفی دوامیده، پاکستان و ایران یوقاری مرتبهلی رسمیلری اۉرتهسیده اوچرهشوولر اۉتکزیلدی.
عاصم منیر بوگون دوامیده، ایران جمهور باشلیغی مسعود پزشکیان و بو مملکت پارلمان باشلیغی همده امریکا بیلن بۉلگن مذاکرهده ایران هیاتینینگ یېتکچیسی محمدباقر قالیباف بیلن علیحده اوچرهشوولر اۉتکزگن.
اوچرهشووده بحث اېتیلگن موضوعلر و قرارلر حقیده تۉلیق تفصیلات بېریلگن اېمس.
شونینگدېک، عاصم منیر بوندن آلدین ایران تشقی ایشلر وزیری سیدعباس عراقچی بیلن هم اوچرهشوو اۉتکزگن اېدی.
اوچرهشوولرده، ایران و امریکا اۉرتهسیدهگی قرهمه-قرشیلیکلرنی یکونلنتیریش مقصدیده بۉلگن دیپلوماتیک سۉزلهشوولر حقیده بحث اېتیلگنی معلوم قیلینگن.
ایتیش کېرهک که پاکستان واسطهچیلیگیده، ایران و امریکا اۉرتهسیده ینه بیر بار مذاکره اۉتکزیلیشی مقصدیده سعیوحرکتلر باشلنگن.
