امریکا قۉشمه ایالیتلرینینگ تشقی ایشلر وزیری مارکو روبیو بوگون (شنبه،۲-جوزا) خلق ارا اوچرهشووده اشتراک اېتیش و هند رسميلری بیلن مذاکره قیلیش اوچون ینگی دهلیگه یېتیب کېلدی.
اوشبو سفرده روبیواجنابلرینینگ رسمی ماموریتی «هند-تینچ آقیانوس خوفسیزلیگی» بارهسیده امریکا، هند، جاپان و آسترلیا مملکتلری اۉرتهسیده «کواد» ناملی ییغینده اشتراک قیلیش دیر.
بیراق رویترز خبریگه کۉره، روبیوا بو سفر دوامیده امریکا و هندستان اۉرتهسیدهگی ساووقلشگن مناسبتلرنی یخشیلشگه هم حرکت قیلهدی. او هندستان باش وزیری نارندرا مودی و تشقی ایشلر وزیری جی شنکر بیلن اوچرهشیشی رېجهلشتیریلگن.
اۉتگن ییلی دونالد ترامپ هندستاندن ایمپورت قیلینهدیگن محصولاتلرگه 50 فایزگچه باج تعرفهلری جاري قیلگن اېدی. شو بیلن بیرگه، امریکا پاکستان بیلن علاقهلرنی کېنگهیتیرگنی هم دهلی و واشنگتن اۉرتهسیدهگی ساووقلشووگه سبب بۉلگن.
بوندن تشقری، هند روسيهدن نفت و گاز ایمپورتینی دوام اېتتیریب، ماسکو بیلن اقتصادي علاقهلرینی مستحکم سقلب کېلماقده. شو عامللر امریکانی هند بیلن استراتژیک مناسبتلرده احتیاطکارلیککه اوندهماقده.
رویترزنینگ یازیشیچه، امریکا هندستاننی حلی هم چینگه قرشی مهم «موازنتلاوچی کوچ» دېب حسابلهیدی، اما سۉنگگی واقعهلر واشنگتننی ایکّی دولت مناسبتلرینینگ برقرارلیگیدن خواطرگه سالگن. روبیوا نینگ اوشبو تشریفی هم عیناً شو مناسبتلرنی «تیکلش»گه قرهتیلگن بۉلهدی.
