چهارشنبه کونی اعلان قیلینگن حکومت بیلگیلریگه کۉره، 2026-ییل‌نینگ بیرینچی یریمیده جاپان یورتداشلریدن توغیلگن چقلاقلر سانی اۉتگن ییل‌نینگ شو دوریگه نسبتا 0،4 فایزگه آشیب، 320 مینگ 458 چقلاققه یېتدی. بو حقده قازین فورم خبر یازگن.
متخصصلر 2024 و 2025-ییلرده نکاحلر سانی‌نینگ آشیشی جاپان ده توغیلیش کۉپه‌‌یشیگه تاثیرلی بۉلیشی ممکن‌لیگینی ایتماقده. شونگه قره‌مه‌ی، جاری ییلده توغیلیشلر سانی اۉتگن ییلگی 671 مینگ 270 چقلاققه یقین بۉلیشی کوتیلماقده.
جاپان ده توغیلیشلر سانی 1973-ییلده 2،09 میلیونگه یېتگنیدن بېری پسه‌ییب بارماقده اېدی. اۉتگن ییل اېسه کۉرستکیچ کېتمه-کېت اۉنینچی ییل ریکارد درجه‌ده‌گی اېنگ پست نتیجه بۉلدی.
چاپان ده توغیلیشلر سانی 2040-ییلگچه 680 مینگدن کمه‌ییشی کوتیلگن؛ بیراق، پسه‌ییش تېزراق کېچماقده.
حکومت باله‌لر نفقه‌سی و آته-آنه‌لر اوچون تعطیل امتیازلرینی کېنگه‌یتیریب، 2030-ییللرنینگ باشینی انقراضگه قرشی کوره‌شیش‌نینگ «سۉنگّی امکانیتی» دېب اته‌دی.
