چین ده‌گی مدنیت کونلری دایره‌سیده پکن شهریده‌گی ملی اجراچیلیک صنعتی مرکزیده اۉزبېک صنعت اوستالری قتنشیشی بیلن گله-کنسرت بۉلیب اۉتدی. بو حقده “دنیا” آژانسی خبر بېردی.
تدبیر اۉزبېکستان مدنیت وزیرلیگی تمانیدن اۉلکه‌نینگ پکن‌ده‌گی اېلچیخانه‌سی کۉمگیده تشکیل اېتیلدی.
کنسرت مهمانلری چین دولت اداره‌لر وکیللری، مدنیت و صنعت نماینده‌لری، دیپلوماتلر، ژورنالستلر همده اۉزبېک دیاسپروه‌سی وکیللریدن عبارت دیر.
کنسرت دوامیده علی‌شیر نوایی دولت اکادمیک کتته تیاتیری آرکستری، اۉزبېکستان خلق صنعتچیسی الیاس عربوف، اۉزبېکستان ده خدمت کۉرستگن صنعتچیسی معصومه بالته‌بایووا و شونینگدېک ،”مناجات” رقص انسمبلی‌نینگ بدیعی یېکچیسی و بالیت ماستری فیروزه ازاتووا قتنشدی.
کۉروچیلرگه اۉزبېک ممتاز موسیقه‌سی اثرلری، ملی کویلر، قۉشیقلر و رقص چیقیشلر نمایش اېتیلدی.
تدبیر دایره‌سیده «ینگی اۉزبېکستان» صورت کۉرگزمه‌سی هم تشکیل اېتیلدی. اثرلردن تاریخی آبده‌لر، مدنی میراث، ملی عنعنه‌لر و اۉلکه نینگ زمانه‌وی ترقیاتی عکس اېتگن صورتلر اۉرین آلدی.
کنسرت و کۉرگزمه اۉزبېک مدنیتی خارجده ترغیب قیلیش دستوری‌نینگ بیر قسمی بۉلیب، اۉزبېکستان و چین اۉرته‌سیده‌گی مدنی-بشری علاقه‌لرنی مستحکملشگه قره‌تیلگن.
