اروپا اتفاقینینگ کمیسیون باشلیغی اورزلا فون درلاین اۉزینینگ ایکس صحیفهسیده یازگن بیاناتیده، ایران و امریکا قۉشمه ایالتلری اۉرتهسیده کېلیشوو امضالهنیشی بۉییچه حرکتلردهگی آلغه باریش خورسندلیک بیلدیردی.
اروپا اتفاقینینگ یوقاری مرتبهلی بو رسمیسی، اوشبو کېلیشوو تېزلیکده قۉلگه کېلیب، دایمی تینچلیک اۉرنهتیلیشی و هرمز بۉغازی آچیلیشیگه امید بیلدیردی.
عینی حالده، فون درلاین حقیقا هم اوروش و تۉقنهشوولرنی یکونلنتیریشگه قادر بۉلگن کېلیشووگه احتیاج بار دېب هم بیلدیرگن.
شو بیلن بیرگه، اروپا اتفاقی کمیسیونینینگ باشلیغی ایران هستهای قورالگه قۉل تاپمسلیگی کېرهک دېب هم معلوم قیلدی.
بو شوندهی بیرحالده دیر که امریکا جمهور باشلیغی دونالد ترمپ، ایران بیلن کېلیشووگه یقینلشگنینی اعلام قیلگن. بیراق حاضرگچه اوشبو کېلیشوو حقیده آرتیقچه تفصیلات موجود اېمس.
