خوستدهگی طالبلر ولایت والیسی ادارهسینینگ تصدیقلشیچه، اوشبو ولایت استیناف محکمهسی رئیسی عینالله خلیل بیر ترافیک حادثهسیده جان بېرگن.
طالبلر والیسی مطبوعات سۉزلاوچیسی مستغفر گربز ایکس اجتماعي ترماغیده نشر قیلگن بیاناتیده ایتیشیچه، خلیل بوگون (یکشنبه، 3 جوزا) غزنی ولایتیده یوز بېرگن ترافیک حادثهده وفات اېتگن.
سۉزلاوچی حادثه تفصیلاتلری حقیده قۉشیمچه معلومات بېرمهگن، بیراق عینالله خلیل نینگ جسدی غزنینینگ زنجان اولسوالیگیدهگی «قول سبزی» قیشلاغیده دفن اېتیلیشی ایتیلگن.
عینالله خلیل اوّل ننگرهار ولایتیده طالباننینگ حربي محکمهسی رئیسی صفتیده هم ایشلهگن.
طالبان افغانستاننی قَیته اېگهلهگنیدن بېری اولرنینگ بیر قطار عملدارلری و جنگچیلری ترافیک حادثهلریده هلاک بۉلگنی حقیده منتظم خبرلر بېریب کېلینهدی.
