بیرلشگن ملتلر تشکیلاتی نینگ بالهلرنی قۉللب-قوّتلش جمغرمهسی (یونیسف) نینگ افغانستاندهگی نمایندهسی تاجالدین اویواله، بیل و ملیندا گیتس جمغرمهسی افغانستانده منتظم اېملش همده بالهلر فلجی (پولیو) کسللیگینی توگهتیش ایشلرینی قۉللب-قوّتلهیاتگنینی ایتدی.
او بوگون (شنبه، 9-جوزا) ایکس اجتماعي ترماغیده یازیشیچه، گیتس جمغرمهسی نینگ یوقاری مرتبهلی مسووللری بیلن اوشبو تشکیلات نینگ افغانستاندهگی یونیسف بیلن همکارلیگی یوزهسیدن ثمرهلی اوچرهشوو اۉتکزگن.
تاجالدین اویواله یونیسف گیتس جمغرمهسی نینگ بیرلمچی ساغلیقنی سقلش خدمتلری، آزیقلنیش، منتظم اېملش و پولیوگه برهم بېریش بارهسیدهگی یاردمینی قدرلشینی تأکیدلهگن.
افغانستان دنیاده بالهلر فلجی (پولیو) حلی هم تۉلیق یۉق قیلینمهگن ایکّی دولتدن بیری دیر.
جاري ییلده مملکت جَنوبیدهگی قندهار و هلمند ولایتلریده پولیوگه چهلینگن اوچته ایجابي حالت قید اېتیلگن.
اۉتگن ییلی افغانستانده پولیو نینگ تۉقّیزته ایجابي حالتی رۉیخطگه آلینگن اېدی.
افغانستان و پاکستان پولیوگه حلی هم تۉلیق برهم بېریلمهگن ایکّی دولت حسابلنهدی.
