طالبان عدلیه وزیرلیگینینگ اعلام قیلیشیچه، غایب شخصلرنینگ کۉچمس و کۉچر مُلکلری خصوصیدهگی قانون، بو گروهنینگ رهبری هبتالله آخوندزاده تصدیقیدن کېین رسمی جریده نشر اېتیلگن.
طالبان اوشبو قانون اساسیده، غایب شخصلرنینگ افغانستاندهگی مالومُلکلری تقدیری بېلگیلنهدی.
طالباننینگ مذکور قانونی، تۉرت باب و ۳۱ بنددن عبارت بۉلگنی هم معلوم قیلینگن.
اوشبو قانون اساسیده، غایب شخصلرنینگ وارثی یا -ده رسمی وکیلی مراجعت قیلگن تقدیرده، قاضی قراری اساسیده، اونینگ کۉچمس و کۉچر ملکی تاپشیریلهدی.
شو بیلن بیرگه، طالبان بو قانون اساسیده، غایب شخصلرنینگ مالومُلک باسیب آلینیشی آلدی آلینهدی دېب هم بیلدیرگن.
عینی حالده، طالبان اوشبو قانونی اساسیده، رسمی وکیلی یا -ده وارثی بۉلمهگن شخصلرنینگ مالومُلکلری بیتالمالگه تاپشیریلهدی.
بو قانون شوندهی بیرحالده ترقهتیلماقده دیر که طالبان اعضالری اخیرگی ییللرده سابق حکومت سیمالری و ایریم تاجرلرنینگ اویینی باسیب آلیب فایدهلنیب کېلماقده دیر.
