ایران تشقی ایشلر وزیرلیگینینگ سۉزلاوچیسی اسماعیل بقایی، بو مملکت وکیللری و امریکا اۉرتهسیدهگی مذاکرهلر حقیده معلوماتلر بېرر اېکن حاضرگچه، ایراننینگ هستهای قورال دستوری تفصیلاتی حقیده هیچ قندهی بحث اېتیلمهگنینی معلوم قیلدی.
تسنیم اخبارات آژانسی خبریگه کۉره، بقایی بو مسالهنی بوگون دوشنبه جوزا آیینینگ ۱۱-سی کونی اۉتکزگن خبری ییغینیده تیلگه آلگن.
عینی حالده، ایران تشقی ایشلر وزیرلیگی سۉزلاوچیسی، مذاکرهلر حاضرگچه نتیجه بېریب، یکونلی بیر کېلیشوو قۉلگه کېلمسلیگیده امریکالیکلر معما یرهتیب تورگنینی هم معلوم قیلگن.
شو بیلن بیرگه، اسماعیل بقایی لبنانده آتیش-کېسین تامینلنیشی ایراننینگ مذاکرهلردهگی شرطلریدن بیری اېکنینی هم معلوم قیلدی.
بو شوندهی بیرحالده دیر که امریکا قۉشمه ایالتلری جمهور باشلیغی دونالد ترامپ، ایران هستهای قورالگه قۉل تاپمسلیگی اساسی شرطلردن اېکنینی اعلام قیلیب کېلماقده.
