رواداری انسان حقلری تشکیلاتی بوگون دوشنبه ۱۱ – جوزا، نشر قیلگن بیاناتیده، افغانستان عیاللری اوچون خلق محکمهسی هیاتی جنوبی افریقاگه سفر قیلگنیدن خبر بېردی.
رواداری تامانیدن نشر اېتیلگن بیاناتگه کۉره، ۲۵ – می کونیدن ۲۹ – میگچه بۉلگن اوشبو سفر دوامیده، افغانستان عیاللری اوچون خلق محکمهسی هیاتی کیپتاون، ژوهانسبورگ و پروتیریا شهرلریده، تورلی ییغینلر اۉتکزیب، افغانستان انسان حقلری وضعیتی حقیده بحث آلیب بارگن.
شونینگدېک، اوشبو هیات جنوبی افریقاده، مدنی جماعهچیلیک اعضالری، انسان حقلری کمیسیونی و جمغرمهسی اعضالری، آپارتایدگه قرشی گروهلر، بیلیم یورت استادلری، جنوبی افریقا انتقالی عدالت ترماغی اعضالری و کیپتاون شهری مسلمانلر جماعهسی وکیللری بیلن اوچرهشگن.
اوشبو سفر رواداری تشکیلاتی و جنوبی افریقا انسان حقلری تشکیلاتلری تشبثی بیلن عملگه آشیریلگنی اعلام قیلدی.
شونینگدېک، رواداری تشکیلاتی جنوبی افریقا انسان حقلری فعاللرینینگ افغانستان بیلن بیردملیگی خاص اهمیتگه اېگه اېکنینی هم اورغولهگن.
