بیرلشگن ملتلر تشکیلاتینینگ انسانپرورلیک یاردملرنی هماهنگلشتیریش ادارهسی یا- ده «اوچا» نینگ آگاهلنتیریشیچه، افغانستانده قشاق اهالیگه یاردم ترقهتیش جریانی جدّی بودجه آزلیگی معماسی بیلن دوچ کېلماقده.
اوچا تامانیدن نشر اېتیلگن بیاناتیده، می آیینینگ یکونیگچه یالغیز ۲۶۹ میلیون دالر یاردم توپلنگن که بو اېسه کېرهک بۉلگن بودجهنینگ یالغیز ۱۶ فایزی دیر.
شو بیلن بیرگه، بیرلشگن ملتلر تشکیلاتی انسانپرورلیک یاردملر اوچون بودجه معماسی تېزلیک بیلن حل اېتیلمهگن تقدیرده یاردمگه محتاج بۉلگن کۉپلب اهالی آغیر خوف بیلن دوچ کېلیشی ممکنلیگیدن آگاهلنتیردی.
بو شوندهی بیرحالده دیر که بوندن آلدین، بیرلشگن ملتلر تشکیلاتی افغانستانده یاردمگه محتاج بۉلگن شخصلرگه یاردم یېتکزیش اوچون ۱.۷۱ میلیارد دالر یاردم کېرهک دېب اعلان قیلگن اېدی.
اوشبو خواطر شوندهی بیرحالده بیلدیریلماقده دیر که خلقارا تشکیلاتلر معلوماتی اساسیده، افغانستان جمعیتیدن قریب یریمی انسانپرورلیک یاردملرگه محتاج بۉلیب قالماقده.
