جمعی خوفسیزلیک تشکیلاتینینگ نوبتدهگی ییغینیده بو تشکیلات باش کاتبی طالقبیک ماسادکوف، افغانستانده گروهلر آرهسیده اوروش و تۉقنهشوولر باشلنیشی ممکنلیگیدن آگاهلنتیرگن.
بو تشکیلات باش کاتبیگه کۉره، طالبان حاکمیتیده بۉلگن افغانستانده ترورچی گروهلرنینگ فعالیتی کوندن کونگه جدّیلشیب بارماقده دیر.
ماسادکوف، بو مسالهنی چهارشنبه کونی ۱۳ – جوزا اۉتکزیلگن جمعی خوفسیزلیک کېلیشووی تشکیلاتیگه اعضا مملکتلرنینگ مدافعه وزیرلری ییغینیده تیلگه آلگن.
شو بیلن بیرگه، ییغینده اوشبو تشکیلات اعضالریگه نسبتن خوفسیزلیک تهدیدلری آشیب بارهیاتگنی حقیده هم خبردارلیک بیلدیریلگن.
بو تشکیلات، اۉز اعضالریگه قرشی تهدیدلرنینگ کتّه بیر قسمی ناتو تشکیلاتینینگ منطقهده کوچلنیشی دېب بیلدیرگن.
