هرات ولایتیده طالبان امر باالمعروف و نهی عن المنکر باشلیغی عزیزالرحمن مهاجر، بیر سېسلی بیانات چیقریب، بو ولایتده هیچ بیر عیال حجابسیزلیک باعث حبسگه آلینمهگن دېب ادعا قیلدی.
طالباننینگ بو محلی رسمیسی، هراتده برچه عیاللر حجابنی رعایه قیلگن دېب هم اَیتگن.
بو شوندهی بیرحالده دیر که طالبان سۉنگّی کونلرده، هرات ولایتیده اۉنلب عیالنی حجاب بهانهسی بیلن حبسگه آلیب، اولردن مجبوری خط آلینگنیدن سۉنگ آزاد قیلگن اېدی.
شونینگدېک، طالبان محلی رسمیلری اۉتگن جمعه کونی هم هرات اهالیسیگه عیاللرنینگ حجابی بو گروه طلبیگه ماس بۉلمهگن تقدیرده عیاللر و اولرنینگ ولیسی حبسگه آلینیشیدن آگاهلنتیرگن اېدی.
طالبان بو خبردارلیگیدن سۉنگ، شنبه کونی بو گروه عیاللرگه نسبتن باسیم و حبسگه آلیشلرنی باشلهگن.
ایشانچلی خبرلرگه کۉره، حاضرگچه اۉنلب عیال حبسگه آلینگن.
