اوکراین اۉتگن تون دوامیده روسيهنینگ تورلی حدودلریگه، جملهدن مسکو شهریگه هم کېنگ کۉلملی درون هجوملرینی عملگه آشیردی. نتیجهده کمیده۱کیشی هلاک بۉلگن، ۱۵ کیشی اېسه یرهلنگن.
«گاردین» گزېتهسی بوگون (پنجشنبه، ۲۸ جوزا) بېرگن خبرگه کۉره، هجوملر دوامیده مسکو ولایتی نینگ کاپوتنیا حدودیدهگی نفتنی قَیته ایشلش فابریکه درون ضربهلری عاقبتیده یانیب کېتگن.
اوکراین جمهور رییسی ولادیمیر زلنسکی اېرتهلب ویدیو نشر قیلیب، بو هجوملرنی «روسيهنینگ بیزنینگ شهرلر و جمعیتلرگه قیلگن هجوملریگه تۉلیق اساسلی جواب» دېب اتهگن.
کرملین مطبوعات سۉزلاوچیسی دیمیتری پسکوف اېسه اوکراین هجوملرینی «تروریستیک حرکت» دېب بهالهگن.
روسيه مدافعه وزیرلیگی کۉپلب درونلر یۉق قیلینگنینی دعوا قیلیب، کییفگه «قرشی هجوملر» عملگه آشیریلیشینی بیلدیرگن.
شو بیلن بیرگه، زېلېنسکي اوروشنی توگهتیش و روسيه دیپلوماتیک یۉل بیلن ضرور چارهلرنی کۉریشی کېرهکلیگینی تأکیدلهگن.
روسيه تشقی ایشلر وزیرلیگی مطبوعات سۉزلاوچیسی ماریا زاخارووا غرب دولتلرینی اوکراین حربي هجوملرینی قۉللب-قوّتلشده عیبلهگن.
انیق معلوماتلرگه کۉره، مسکو شهرگه یۉنهلتیریلگن ۱۸۰ ته درون یۉق قیلینگنینی بیلدیرگن.
«گاردین»نینگ یازیشیچه، اۉتگن تون دوامیده روسيهگه جمعی ۵۵۵ ته درون اوچیریلگن.
هجوملر عاقبتیده کمیده ۱ کیشی هلاک بۉلگن و۱۵ کیشی جراحت آلگن.
روسيه و اوکراین اۉرتهسیدهگی اوروش باشلنگنیگه تۉرت ییلدن آشدی. اوروش باشیده روسيه تېز سرعتلرده آلدینگه سیلجیب، اوکراین حدودی نینگ تخمیناً ۲۰ فایزینی اېگهلهگن اېدی.
اېران ایشلب چیقرگن «شهېد» روسوملی ارزون درونلر روسيه اوردوسی تامانیدن اوکراین مدافعه پازیتسيهلری و شهر آستقورمهسیگه کتّه ضرر یېتکزیشده مهم رۉل اۉینهگن.
بیراق حاضر اوکراین هم ارزان، عامهوي ایشلب چیقریلهیاتگن هجومچی و قرشی درونلر آرقهلی روسيه نینگ، جملهدن مسکوگه قدَر بۉلگن حدودلریده خوفسیزلیکنی جدّي سیناودن اۉتکزماقده همده اوروشنی بېواسطه روسيه پایتختیگه آلیب کیرگن.
