بیرلیک سیاسی حرکتی آنلاین بیر ییغین اۉتکزیب، افغانستانده خاتین-قیزلر احوالینی تېکشیرگن.
اوشبو ییغین «افغانستان عیاللری حالتینی عنعنه، دین، قبیلوی توشینچه و مدرنیته قرهشلری اساسیده توشینیش» عنوانی آستیده اۉتکزیلگن بۉلیب، اشتراکچیلر افغانستانده عیاللر دوچ بۉلیب تورگن طالبان چېکلاولری و بو وضعیتنینگ عاقبتلری حقیده صحبتلشگن.
ییغینده، افغانستان فعاللری اینیقسه اۉزبېک فعاللر و سیمالر اشتراک اېتگن.
بیرلیک یۉلی سیاسی حرکتی بو ییغینیده، افغانستان عیاللر دوچ بۉلیب تورگن آغیر وضعیت و اولرگه قرشی طالبان چېکلاولری کۉپینچه طالباننینگ قبیلوی توشینچهلریدن کېلیب چیققنینی تاکیدلب، تاریخده اوشبو قبیلوی تفکر حاکمیتی مستحکملنیشی اوچون حرکتلر بۉلینگنینی اېسلب اۉتدیلر.
شونینگدېک، ییغینده افغانستانده عیاللر وضعیتی اچینرلی بۉلگنی تاکیدلنیب، بو وضعیتدن چیقیش اوچون اساسی یېچیم-یۉللر خصوصیده اعتبار قرهتیلیشی کېرهک اېکنی تاکیدلندی.
بو شوندهی بیرحالده دیر که افغانستان چمهسی بېش ییلدن بېری خاتین-قیزلرگه نسبتن چېکلاولری و باسیملرینی آشیریب اولرنی اساس حقوقلریدن محرومیتده سقلب کېلماقده دیر.
