طالبان ساغلیقنی سقلش وزیرلیگی بیر بیانات ترقهتیب، اوشبو وزیرلیک بیر هیاتینینگ اۉزبېکستانگه بۉلگن سفری دوامیده، بو مملکت دارو-درمان ایشلب چیقریش ساحهسی مسووللری بیلن اوچرهشوو اۉتکزگنیدن خبر بېردی.
طالبان ساغلیقنی سقلش وزیرلیگی بو وزیرلیکنینگ دارو و ساغلیقی محصولاتلرینی ترتیبلشتیریش باشلیغی عبدالبصیر قانع بیلن اۉزبېکستان طبی و دارو ایشلب چیقریش ادارهسینینگ باشلیغی عبدالله عزیزوف اۉرتهسیده اوچرهشوو اۉتکزیلگن.
اوچرهشووده، دارو-درمان سوداسی حجمینی آشیریش مقصدیده همکارلیکلر آشیریلیشی و اۉزبېکستان دارو ایشلب چیقرووچی کمپنیلری محصولاتلری افغانستان بازاریگه ترقهتیلیشی یۉللری محاکمه قیلینگن.
شونینگدېک، طالبان هیاتی اۉزبېکستاننینگ دارو محصولاتلر صفتینی هم ایجابی قبول قیلگنی قید اېتیلگن بیاناتده.
ایتیش کېرهک که طالبان حاضر پاکستاندن دارو آلیب-کېلینیشینی تقیقلب قۉیگن و بو اېسه افغانستان بازاریده دارو آزهیشیگه سبب بۉلگن. طالبان بو معما حل اېتیش اوچون اۉزبېکستان بازاریگه یوز کېلتیرگن.
