جبهه ترقهتگن بیاناتگه کۉره، هجوم سهشنبه کونی (۲-سرطان) تونگی ساعت۱۰:۰۰اطرافیده عملگه آشیریلگن.
بیاناتده ایتیلیشیچه، «چریکی عملیات» قریب 20 دقیقه دوام اېتگن و نتیجهده طالبلر کوچلری «آغیر تلفات و ضررلر» کۉرگن.
آزادلیک جبههسی طالبلر نورستان ولایتیدهگی اداری بنالر و ملکی یېرلرنی «یاتاقخانه همده تونگی ییغیلیش جایلری» صفتیده فایدهلنهیاتگنینی هم ادعا قیلگن.
جبهه معلوماتیگه کۉره، عملیات دوامیده اونینگ جنگچیلریگه ضرر یېتمهگن. شو بیلن بیرگه، طالبان تلفاتلری حقیده انیق معلومات حاضرچه موجود اېمسلیگی قید اېتیلگن.
طالبلر حاضرگچه اوشبو ادعاگه مناسبت بیلدیرمهگن.
طالبلر عادتده قوراللی مخالف گروهلرنینگ «حدودلرده جسماني موجودلیگی»نی رد اېتهدی و اولرنینگ هجوملری حقیدهگی بیاناتلر یوزهسیدن ایضاح بېرمهیدی.
بیراق بیرلشگن ملتلر تشکیلاتی اۉزینینگ اَیریم گزارشلریده «افغانستان آزادلیک» جبههسی همده «افغانستان ملی مقاومت» جبههسی تامانیدن دعوا قیلینگن بعضی هجوملر صادر بۉلگنینی تصدیقلهگن.
