روسیه باش وزیری‌نینگ اۉرین‌باسری الکسی اوورچوک، بیر هیات باشچیلیگیده کابل کېلیب، ارگ‌ده طالبان رسمیلری تامانیدن کوتیب آلینگن.
طالبان باش وزیری‌نینگ اقتصادی مساله‌لر بۉییچه اۉرین‌باسری عبدالغنی برادر، روسیه‌لیک بو هیاتنی کوتیب آلگن.
شونینگدېک، عبدالغنی برادر و اوورچوک اۉرته‌سیده ارگ‌ده بیر اوچره‌شوو هم بۉلیب اۉتگن.
طالبان‌نینگ اعلام قیلیشیچه، روسیه‌لیک بو هیات بو گروه‌نینگ باش وزیری محمدحسن آخوند و اونینگ اۉرین‌باسری عبدالغنی برادر بیلن علیحده اوچره‌شوولر اۉتکزیشی رېجه‌لشتیریلگن.
طالبان بو هیات سفری دوامیده، ایکی تامانلمه مناسبتلر اینیقسه اقتصادی و سودا همکارلیکلر خصوصیده فکر المشتیریله‌دی.
روسیه طالباننی رسمیتگه تَن آلگن یالغیز مملکت بۉلیب بو گروه بیلن مناسبتلری کېنگه‌یتیریشگه اورینماقده. شو بیلن بیرگه، روسیه رسمیلری بوندن آلدین بیر نیچه مراتبه افغانستان‌دن کېلیب چیققن خوفسیزلیک تهدیدلریدن هم خواطر بیلدیرگن.
