بدخشان ولایتیدن محلی منبعلرنینگ معلوماتیگه کۉره، بو ولایتده طالباننینگ حربی کوچلری اهالی و آلتین کانلریده ایشلاوچی شخصلر آلدیدن، قوراللرنی ییغیلیش جریانینی باشلهگن.
اۉزبېک تیوی نینگ منبعلری معلوماتی اساسیده، طالبان بو خصوصده یوزلب کیشیدن عبارت حربی کوچلرنی ایریم حدودلر جملهدن شهربزرگ و دروازها ایریم حدودلریده باشلهگن.
حاضرگچه، طالبان بو حقده تۉلیق تفصیلات بېرگن اېمس.
بو شوندهی بیرحالده دیر که اخیرگی وقتلرده، بدخشانده برقرارسیزلیکلر جدّیلشیب بارماقده و بو گروه بیلن بدخشانلیک قومندان جمعه خان فاتح اۉرتهسیده کېلیشماوچیلیکلر یوز بېرگن.
طالباننینگ یوقاری مرتبهلی رسمیلری، جملهدن بو گروهنینگ مدافعه وزیری محمدیعقوب مجاهد، حربی کوچلر باشلیغی فصیحالدین، استخبارات ادارهسی باشلیغی عبدالحق وثیق و شونگه اوخشش ینه بیر قنچه مقاملری بدخشان باریب، بو یېردهگی معمالرنی حل اېتیشگه اورینماقده.
طالبان بو رسمیلرینینگ حرکتلری حاضرگچه، نتیجه بېرمهی بدخشاندهگی نا قرارلیکلر همان دوام اېتماقده دیر.
