آلمان‌نینگ سابق ساغلیقنی سقلش وزیری کارل لوترباخ، افغانستانده خاتین-قیزلر طبی خذمتلردن فایده‌لنیش امکانیتیدن محروم بۉلیب و شونینگدېک اولرگه طبیات ساحه‌سیده تعلیم آلیشگه رخصت بېریلمه‌یدی دېب اَیتدی.
لوترباخ، ایکس صحیفه‌سیده طالبان حاکمیتینی «تاش دوری رژیمی» دېب و آلمان آرقه‌لی عیاللرنینگ افغانستانگه قیترمسلیگی ضرورلیگینی اورغوله‌گن.
او، بو موضوع‌نی گاردین گزیته‌سی‌نینگ افغانستانده عیاللر اوچون طبی خذمتلر حالتی حقیده‌گی سۉنگی گزارشیگه مناسبت بیلدیرر اېکن، یازگن.
گاردین گزیته‌سی‌نینگ خبر بېریشیچه، افغانستان‌نینگ اَیریم حدودلریده طالبان ایرکک شفاکارلرگه عیاللرنی کوریکدن اۉتکزمسلیک یا-ده اولرگه شاشلینچ طبی یاردم کۉرستملیک حقیده بویروغ بېرگن.
گزارش اساسیده، اَیریم حدودلرده کسل عیاللرنی یالغیز محرم ایرکک حضوری بیلن یا-ده عیال طبیات خادملری تامانیدن کوریکدن اۉتکزیش و دوالش ممکن.
طالبان، خاتین-قیزلر یۉزیگه آلتینچی صنفدن یوقاری تعلیم آلیشنی تقیقلش یانیده بیلیم یورتده تحصیل آلیش، قابله‌لیک و همشیره‌لیک تعلیملرینی هم تقیقله‌گن.
