افغانستان و تاتارستان قۉشمه ایش کمیته‌سی نینگ بیرینچی ییغینی کابلده طالبان نینگ صناعت و سودا وزیری نورالدین عزیزی همده تاتارستان باش وزیری اۉرین‌باسری و سودا و صناعت وزیری اولیگ کوروبچنکو باشچیلیگیده بۉلیب اوتدی.
طالبان نظارتی آستیده‌گی سودا و صناعت وزیرلیگی بیر بیانات آرقه‌لی ایتیشیچه، اوشبو ییغینده ایکّی تامان سودا همکارلیگینی کېنگه‌یتیریش، روسیه‌گه افغانستان محصولاتلری‌نینگ کوپراق صادر بۉلیشی، ترانزیت یۉللری رواجلنیشی همده سرمایه کېریتیش امکانیتلرینی محاکمه قیلگن.
بیاناتگه کۉره، تاتارستان هیاتی شونینگدېک اېکینچیلیک، کان، ترانسپورت و پنجشیر دریاسیدن کابلگه سوو یېتکزیش ساحه‌لریده افغانستان بیلن همکارلیک قیلیشگه تیارلیگینی بېلدیرگن.
شونینگدېک ایکّی تامان، قۉشمه ییغیلیشلرنی دوام بېریش و اېریشیلگن کیلیشوولرنی عملگه آشیریش بۉییچه ایشلرنی کوزه‌تیب باریشگه کیلیشیب آلگن.
