حوثی‌لر نظارتی آستیده‌گی «سبا» آژانسی‌نینگ خبر بیریشیچه، شنبه کونی یمن پایتختی صنعا یقینیده‌گی بیر قیشلاققه سعودی عربستان‌نینگ اۉیوشتیرگن هوا هجوملری عاقبتیده، کمیده ۳۳ کیشی اۉلیب و باشقه ۳۹ کیشی یره‌لنگن.
اوشبو هجوملر سعودی عربستان و ایران بیلن یقین علاقه‌ده بۉلگن گروه اۉرته‌سیده‌گی تۉقنه‌شوولرنینگ جولای آییده قیته باشلنگنیدن بویان صادر ایتیلگنی خبر قیلینگن اېنگ کۉپ قربانلی هجوملردن بیری حساب‌لنه‌دی.
حوثی‌لر نظارتیده‌گی ساغلیقنی سقلش وزیرلیگی‌نینگ ایتیشیچه، مذکور هجوملر صنعا شرقی‌ده حوثیلرنینگ بَزه‌لریدن بیری حسابلنه‌دیگن بنی‌حشیش شهریده‌گی اویلر نشانگه آلینیب و قربانلرنینگ کۉپینچه‌سی عیاللر و باله‌لردن عبارت دیر.
صنعاده‌گی «صحتنا» کسل‌خانه‌سی باشلیغی عبدالعزیز الدیلمی گه کۉره، یاردم بیرووچی کوچلری شامل قربانلردن قطاری حاضرگچه ویرانه‌لر آستیده قالگن.
خلق‌ارا قاچقینلر تشکیلاتی اوکتبر آییده، تۉقنه‌شوولرنینگ ینگی باسقیچی باشلنگنیدن بویان بدرغه بۉلگنلر سانی‌نینگ ۲۰۰ مینگ‌دن آرتیق کیشی‌گه یېتیشگنینی معلوم قیلگن.
