2026 -ییل نینگ دستلبکی تۉققیز آییده 36 مینگ 600 کیشیدن آرتیق جاپانلیک سیاح اۉزبېکستانگه تشریف بویوردی. بو کۉرستکیچ اۉتگن ییل نینگ شو دوریگه قریب 50 فایزگه آشگن.
اۉزبېکستان یېتکرمه‌لریگه کۉره، بو اۉسیش ایکّی اۉلکه اۉرته‌سیده‌گی مدنی و اقتصادی علاقه‌لر مستحکملنه‌یاتگنینی کۉرسته‌دی. شونینگدېک، اوشبو نتیجه جاپانده اۉزبېکستاننی سیاحلیک مسکنی صفتیده ترغیب قیلیشگه قره‌تیلگن بیر قطار تشبثلردن سۉنگ یوز بېرگن.
سیاحلر سانی آشیشی نینگ اساسی سببلری قطاریگه ایکّی اۉلکه باشکېنتلری منتظم تۉغریدن-تۉغری اوچیشلر نینگ یۉلگه قۉییلیشی، اۉزبېکستان نینگ توکیوده اۉتکزیلگن «Tourism EXPO Japan» کۉرگزمه‌سیده فعال قتنشیش اینیقسه جاپان نینگ یېتکچی سیاحلیک کمپنیلری وکیللری اوچون، اۉلکه بۉیلب تانیشتیروو سفرلری نینگ تشکیل اېتیلیشی کېره‌دی.
