ایران اسلام انقلابی قۉریقچیلری ایرانگه امریکا تامانیدن کېچه تونده اویوشتیریلگن هجوملرگه جوابن کویت و بحریندهگی امریکانینگ حربي بزهلریگه راکت همده درون هجوملرینی باشلهگنینی معلوم قیلدی.
ایران جماعتچیلیک بیلن علاقهلر بۉلیمی بوگون (پنجشنبه، 18-سرطان) اعلان قیلگن بیاناتیده، امریکا نینگ «بیتیمنی بوزگن حرکتلری»گه «جزالاوچی جواب» بېرهیاتگنینی بیلدیردی.
بیاناتگه کۉره، کویتدهگی عریفجان و علی السالم، شونینگدېک بحریندهگی جفیر و شیخ عیسی حربي بزهلرینینگ مهم آستقورمهلری و بۉلیملری نشانگه آلینگن.
شو بیلن بیرگه، کویت اوردوسی همده بحرین ایچکی ایشلر وزیرلیگی هر ایکّی مملکت هوا مدافعه تیزیملری «دشمن اوچووچی واسطهلری»نی توتیب قالگنینی معلوم قیلدی.
هر ایکّی مملکتده هوا هجومی خوف آژری ینگرهدی. بیراق حاضرچه احتمالي قربانلر یاکه مادّي ضرر حقیده رسمي معلومات بېریلمهگن.
امریکا مرکزي قوماندانلیگی سنتکام کېچه تونده ایران حدودیده کېنگ کۉلملی حربي عملیات اۉتکزگنینی و 90 ته حربي نشانگه ضربه بېرگنینی بیلدیرگن اېدی.
بیراق اېران عامهوي اخبارات واسطهلری اَیریم فقرالیک اۉبژېکتلری هم ضربهگه اوچرهگنینی خبر قیلماقده. جملهدن، آقتکهخان تېمیریۉل کۉپریگی ویران قیلینگنی همده ایرانشهر
قۉنالغهسیگه هجوم عاقبتیده بیر نفر اۉت اۉچیرووچی هلاک بۉلگنی، ینه بیر نېچه کیشی یرهلنگنی ایتیلماقده.
ایران یېتکرمهلری معلوماتلریگه کۉره، کېچه تونده مملکت جَنوبیدهگی بندرعباس، چابهار، بوشهر، ایرانشهر، سیریک، کنارک، جزیره قشم، جزیره ابوموسی و جاسک حدودلریده هم بیر نېچه پارتلشلر صادر بۉلگن.
