افغانستان ملي مقاومت جبههسی اۉز کوچلری هرات ولایتینینگ فارسي اولسواللیگیدهگی طالبلر امنیتی پوستهسیگه هجوم اویوشتیریب، بیر طالبنی اۉلدیرگنینی معلوم قیلدی.
جبهه بوگون (سهشنبه، 6-اسد) اعلان قیلگن بیاناتیده هجوم تیناوون ساعت۱۰:۰۰اطرافیده فارسي اولسواللیگیدهگی «آنتن» پوستهسیگه اویوشتیریلگنینی بیلدیرگن.
بیاناتگه کۉره، هجوم عاقبتیده بیر نفر طالبان اعضاسی هلاک بۉلگن، ینه اوچ نفری یرهلنگن.
افغانستان ملي مقاومت جبههسی اوشبو عملیات دوامیده تینچ اهالی و اۉز کوچلری آرهسیده تلفات بۉلمهگنینی تأکیدلهگن.
طالبان حاضرچه بو دعوالرگه مناسبت بیلدیرمهگن.
جبهه تیناوون هم بدخشان ولایتینینگ کران و منجان اولسواللیگیدهگی طالبلر پوستهسیگه اویوشتیریلگن هجوم حقیده خبر بېریب، اونده بیر طالب اۉلدیریلگنی و ینه ایکّی نفری یرهلنگنی حقیده دعوا قیلگندی.
