بغلان ولایتی نینگ نهرین و خانجان اولسواللیکلریده 10،4 میلیون افغاني قیمتیدهگی اوچته سوغاریش کانالی قوریلیب، فایدهلنیشگه تاپشیریلدی.
طالبلرنینگ بغلان ولایتی قیشلاقلرنی تیکلش و رواجلنتیریش ریاستی مسووللری چهارشنبه کونی (7 اسد) معلوم قیلیشیچه، اوشبو لایحهلر یکونلنیشی بیلن یوزلب جېریب اېکین یېرلری سوغاریش امکانیتیگه اېگه بۉلهدی و دهقانلرنینگ سوو منبعلریدن فایدهلنیشی یخشیلنهدی.
اولر نینگ ایتیشیچه، سوغاریش کاناللری جهان آزیق-طعام دستوری نینگ مالی کۉمهگیده برپا اېتیلگن. لایحه اېکینچیلیکنی رواجلنتیریش و قیشلاق اهالیسی نینگ تورموش شرایطینی قۉللب-قوّتلش مقصدیده عملگه آشیریلگن.
افغانستان اقتصادی نینگ کتّه قِسمی زراعتگه تهیهنهدی. سوو تنقیصلیگی و سوغاریش آستقورمهلرنینگ اېسکیریشی اوشبو ساحه نینگ اساسي معمالریدن بیری حسابلنهدی.
سۉنگگی ییللرده خلقارا تشکیلاتلر افغانستانده دهقانلرنی قۉللب-قوّتلش و آزیق-طعام خوفسیزلیگینی مستحکملش مقصدیده سوغاریش کاناللری کبی کیچیک لایحهلرینی مالیهلشتیریب کېلماقده.
