امریکا قوشمه ایالتلری و ایران اۉرتهسیدهگی اوروش بیر نیچه کونلیک تنفسدن سونگ قیته باشلندی.
اوشبو وضعیت دوامیده، امریکا قوشمه ایالتلری مرکزی قومندانلیگی یا ده «سنتکام» اعلام قیلیشیچه، ایرانگه قرشی هجوملرنینگ ینگی بیر تۉلقینی باشلنگن.
سنتکام بیاناتیگه کۉره، اوشبو هجوملر اېرتهلب تانگ چاغی ایران وقتی بیلن ۳:۳۰ ده باشلنیب، بو مملکتگه تېگیشلی ایریم حدودلرنی نشانگه آلگن.
شو بیلن بیرگه، ایراننینگ هرمز، بندرعباس، قشم و شونگه اوخشش باشقه بیر قنچه حدودلریدن پارتلش تاووشی اېشیتیلگنی هم خبر قیلینگن.
سنتکام، بو هجوملر ایراننینگ اۉتگن کون امریکا بَزهلریگه قرشی اویوشتیرگن هجوملریگه جوابا عملگه آشیریلگنینی هم معلوم قیلدی.
بو شوندهی بیرحالده دیر که اۉتگن جمعه کوندن بیری ایران و امریکا اۉرتهسیدهگی هجوملر تۉختهتیلگن اېدی و بو جریانده ایکّی تامان اۉرتهسیده مذاکرهلر هم ایلگری کېتهیاتگنی حقیده خبرلر نشر اېتیلدی.
