هراتده ینه بیربار بیر ایکّی عیال طالبان تامانیدن حجاب بهانهسیده حبسگه آلینگنی حقیدهگی خبرلر تۉغریسیده، افغانستان انسان حقلری فعاللری بیرلشمهسی بیانات ترقهتیب، بو حقده خواطر بیلدیردی.
افغانستان انسان حقلری فعاللری بیرلشمهسی بیاناتیده، طالباننینگ بو حرکتی انسانی قدر-قیمت آچیق بوزیلیشی و طالباننینگ عیاللرنی اجتماعدن یۉق اېتیش و تحقیرلش اوچون بۉلگن تیزیملی حرکتلری تمثالی دېب قید اېتیلگن.
شونینگدېک، انسان حقلری فعاللری بیرلشمهسی، عیاللرگه نسبتن بو چیکلاولر امیر عبدالرحمان خان، امیر حبیبالله خان و ظاهرشاه دورهلری شونینگدېک طالباننینگ بیرینچی دور حاکمیتیده قۉلگه آلینگن اچینرلی احواللر و یاندهشوولرنینگ دوامی اېکنینی هم قوشیمچه قیلگن.
بیاناتگه کۉره، اوشبو دورلرده، عیاللرنینگ تنهسی، کرامتی و اختیارلری، قدرت طلبلیک و ظلم و قوراللی سلطهنینگ قربانی بۉلگن.
افغانستان انسان حقلری فعاللری بیرلشمهسی، طالباننینگ بو حرکتلرینی انسان حقلری قانون-قاعدهلریگه ضد اېکنینی تاکیدلب، خلقارا همجمعیتی، بیرلشگن ملتلر تشکیلاتینینگ مخصوص گزارشگری و شونگه اوخشش دیموکراتیک قدریتلرگه اعتبار قرهتگن مملکتلردن بو خصوصده سکوت قیلمسلیکلرینی طلب قیلگن.
بو شوندهی بیرحالده دیر که اۉتگن کون، طالبان هراتده ینه بیربار ایکّی عیالنی حبسگه آلگنی حقیده خبرلر نشر اېتیلگن اېدی.
